ມື້ນີ້ຂອງ 26 ປີທີ່ແລ້ວມີເດັກນ້ອຍຄົນໜຶ່ງອາຍຸຄັນພຽງ 7 ເດືອນ
ເຊິ່ງລາວໄດ້ອອກກ່ອນກຳນົດ ຫຼັງຈາກທີ່ອອກມາບໍ່ດົນ ຜູ້ເປັນແມ່ຊັອກໝົດສະຕິ ເນື່ອງຈາກເສຍເລືອດຫຼາຍເກີນໄປແຕ່ບໍ່ມີໃຜຮູ້ເລີຍວ່າໃນທ້ອງຂອງແມ່ນັ້ນຍັງມີລູກນ້ອຍອີກຄົນຢູ່ໃນທ້ອງຂອງລາວ ຈົນທ່ານໝໍສັງເກດເຫັນວ່າ
"ເຄສນີ້ແມ່ນລູກແຝດເດີ ຍັງມີອີກຄົນໜຶ່ງ ຫາເລືອດມາໃສ່ໃຫ້ແມ່ດ່ວນ!" ຈຶ່ງໄດ້ທຳການຊ່ວຍເອົາເດັກອີກຄົນອອກມາມືນຕາເບິ່ງໂລກໄດ້ຢ່າງປອດໄພ.
7 ວັນຕໍ່ມາສິ່ງທີ່ບໍ່ຄາດຄິດກໍ່ໄດ້ເກີດຂື້ນ... ແຝດນ້ອງຜູ້ທີ່ອອກກ່ອນໄດ້ເສຍຊີວິດຈາກສາເຫດໃດກໍບໍ່ຮູ້
ທຸກຄົນຕ່າງເສຍໃຈ ເສຍດາຍ ໃນຄວາມໜ້າຮັກ ໜ້າຊັງຂອງເດັກຜູ້ທີ່ເສຍຊີວິດໄປກ່ອນໄວອັນຄວນ
ຜູ້ເປັນພໍ່ ແລະ ແມ່ຊຸດໜັກ ຕອມໃຈຖ້າ ເສົ້າໃຈ ແລະ ເພາະຮູ້ສຶກສິ້ນຫວັງ ເມື່ອຫຼຽວເບິ່ງລູກອີກຄົນທີ່ຍັງມີຊີວິດຢູ່ ຮ່າງກາຍບອບບາງ ໂຕນ້ອຍ ນ້ຳໜັກຫຼຸດເກນມາດຕະຖານຂອງເດັກແລກເກີດ ພ້ອມຍັງມີປານແດງຕິດໂຕທີ່ເປັນສັນຍາລັກຂອງຄວາມບໍ່ດີ ຄວາມຊົ່ວຮ້າຍ ຕາມຄວາມເຊື່ອທີ່ສືບທອດຕໍ່ໆກັນມາຂອງຕະກຸນ
ເມື່ອປະເມີນເບິ່ງຕາມທີ່ເຫັນແລ້ວ ໂອກາດລອດຂອງເດັກນ້ອຍຜູ້ນີ້ຄືຈະມີໜ້ອຍເຫຼືອເກີນ
ດ້ວຍຄວາມຮັກ ພໍ່ ແລະ ແມ່ຢ້ານລູກນ້ອຍຜູ້ນີ້ຕາຍປະ ຈຶ່ງໄດ້ຊອກທຸກວິທີທາງເພື່ອຢື້ຊີວິດຂອງລູກນ້ອຍຜູ້ນີ້ເອົາໄວ້ ໃນຄວາມໂຊກຮ້າຍກໍ່ຍັງມີຄວາມຫວັງ ລູກນ້ອຍຜູ້ນີ້ໄດ້ຮັບການເບິ່ງແຍງຢ່າງໃກ້ຊິດຈາກທີມແພດທີ່ປະຈຳຢູ່ສຸກສາລະ ທ່ານໝໍໄດ້ຜັດປ່ຽນກັນຄອຍໃຫ້ຢາ, ປ້ອນນົມ ແລະ ອາບນ້ຳໃຫ້.
ເປັນເວລາ 3 ເດືອນຜູ້ເປັນແມ່ຈຶ່ງກ້າສຳຜັດໂຕລູກ, ອາບນ້ຳສ່ວຍໜ້າໃຫ້ລູກຂອງລາວ ເມື່ອຄວາມຝັນທີ່ວາດໄວ້ ວ່າຢາກໄດ້ລູກສາວກໍໄດ້ສົມດັ່ງຫວັງ ແມ່ແຍງເບິ່ງໜ້າຂອງລູກສາວນ້ອຍພ້ອມຄິດໃນໃຈວ່າ: " ຂະໜາດຂໍພອນຕອນໃສ່ບາດທຸກມື້ ເຈົ້າຍັງເກີດມາຍາກກ່ອນໝູ່ເລີຍເນາະ ຊິໃຫຍ່ນຳເຂົາຢູ່ບໍ໊ລູກເອີຍ ຂໍໃຫ້ສິ່ງສັກສິດຄຸ້ມຄອງ ແລະ ເອັນດູລູກເດີ ດາລາຂອງແມ່."
[to be continue]
ຫັດແຕ່ງເລື່ອງ: ດວງດາວທີ່ສັກສິດຂອງແມ່
ໂດຍ: ດາລາສັກ
ປລ. ລະນຶກເຖິງນ້ອງຜູ້ສາວຈາກໄປ
[ບັນທຶກ] 28.04.2023
#BeyourOwnStar
เข้าสู่ระบบเพื่อแสดงความคิดเห็น
Log in